«Шәһәрчеләр» циклының чираттагы кунагы Альберт Сәмигуллин - киләчәк шәһәренең бүгенге татар теле укытучысы. Бу яшь егет - заманча татар теле укытучысының классик үрнәге. Ул татар теленнән тыш инглиз, төрек һәм гарәп телләре белгече дә. Ул белеме белән генә түгел, ә үз-үзен тотышы белән дә балаларны артыннан ияртә алырлык, үз дәресенә кызыксыну тудыра алырлык укытучы. Туган телебезнең дәрәҗәсен күтәрү өчен безгә Альберт кебек укытучы яшьләр кирәк.