Җырчы Салават Фәтхетдиновның килене Рузия, язылучыларының сорауларына җавап биргәндә, ире Рөстәм Фәтхетдиновтан ничә яшькә зуррак булуын әйткән.
«Мондый сораулар бик күп килә. Миңа – 24, иремә 21 яшь», – дип язып калдырган ул, үзләренең яшь аермасын белергә теләүчегә.
Сорауларга җавап биргәндә, Рузия үзенең бәби тапканнан соң да академик ял алмыйча, укуын дәвам итүен, медицина университетының соңгы курсында белем алуы турында әйткән.
Бер «подписчигы» Рузиядән: «Сез фатирда яшисезме, үз йортыгыз беләнме? Ирегезнең әти-әнисе беләнме?» – дип кызыксынган. «Без әти-әниләрдән аерым, үз фатирыбызда яшибез», – дигән ул.
«Улыгызны безгә кайчан күрсәтәсез?» – дигәнгә яшь әни: «Минем аны бөтен дөньяга күрсәтәсем дә, шул ук вакытта бөтен кешедән яшерәсем дә килә», – дип, кызык итеп җавап кайтарган.