«Әтиең акчасын туздырасызмы?» – Салават Фәтхетдиновның улы белән киленен тәнкыйтьләгәннәр

Салават Фәтхетдиновның улы Рөстәм Фәтхетдинов быел гаилә корып җибәрде. Никах мәҗлесләрен уздырганнан соң яшьләр диңгез ярында ял итеп кайткан. 

Социаль челтәрләрдәге видеолары астында виртуаль дуслары Рөстәм белән Рузиләгә ялларының күңелле үтүен,  үзләренең исә тигезлектә гомер итүләрен теләгән. Тик яшләрнең бәхетеннән көнләшүчеләр дә юк түгел.  Бер ханым усал итеп: «Салават хисабына ял итәсездер», – дип язып куйган.

Комментарий иясенә Рөстәм үзе дә ирония белән җавап биргән. «Безнең икенче як әти-әниләр дә бар бит әле! Бер дә борчылып тормагыз. Кеше акчасын санарга кайчан да җитешерсез», – дип язган ул.