29 июньнән 5 июльгә кадәр Россия Сәламәтлек саклау министрлыгы тарафыннан тышкы сәбәпләр аркасында балалар үлемен киметүгә юнәлдерелгән атналык игълан ителгән.
Тышкы сәбәпләргә юл-транспорт һәлакәте, агулану, суга бату, егылу, янгыннар, баланың үз-үзенә кул салуы һәм үтерүләр керә.
Статистика мәгълүматлары буенча, Россиядә ел саен бер яшькә кадәр 5000нән артык бала үлә. Фаҗигаләрнең 80 проценты ата-аналарның ваемсызлыгы сәбәпле килеп чыга.
- Балагызны бер генә минутка да караучысыз калдырмагыз: биеклектән, тәрәзәдән егылып төшәргә, кинәт имгәнергә мөмкиннәр.
- Өлкәннәр белән бер караватта йоклау буылу куркынычын арттыра, иң яхшысы – ата-аналар янәшәсендә аерым балалар караваты булуы.
- Ваннада, бассейнда, хәтта кечкенә генә ләгәндә дә батып үлү куркынычы зур.
- Сулыш алу кыенлашуы бер яшькә кадәрге балалар өчен аеруча куркыныч: баланың баш торышын күзәтегез, битен юрган белән капламагыз, йомшак мендәрләр кулланмагыз.
- Ашатканда баланы смесь яки сөт белән тончыгуыннан саклагыз: дөрес итеп тотып ашатыгыз, пауза ясый-ясый ашыкмый гына ашатыгыз, сөт килү тизлеген карагыз.
- Юл куркынычсызлыгы кагыйдәләрен үтәгез: автокресло баланың яше һәм авырлыгына, һичшиксез, туры килергә тиеш.
- Пешү җәрәхәтләре булмасын өчен, кайнар эчемлекләр, плитә, кайнар су, үтүк, җылыткычлар бала сузылырлык урында булырга тиеш түгел.