Ришат Фазлыйәхмәтовка инстачылар яза: «Кичә никах, бүген бәби. Шәп»
Инстачылар Ришат Фазлыйәхмәтовның хатынын авырлы дип уйлаган.
«Кичә никах, бүген бәби. Шәп! Артистлар булдыра», — дип бәйләнгәннәр Ришат Фазлыйәхмәтовка виртуаль дуслары инстаграмда. Мондый эчтәлектәге комментарийлар калдыруларына бер гөнаһсыз фитбол шары «гаепле» булган.
Ришат авылда фитболда сикереп утыра. «Рәхәт әйбер икән бу, Тәтишка алып кайткан иде моны авылга. Безнең Мари юлларында йөрергә шәп нәрсә икән. Машинага утыргыч итеп куйсаң, утырып, селкенеп кайтасың икән. Аннары Тәтишка авырлы хатыннарга бик нык булыша дип әйтте», — ди ул.
Инстачылар Ришатның хатыны авырлы дип фаразлаган. «Бәби булачагына ишарә булдымы бу?» — дип сораганнар. Беренчеләрдән булып комментарийны үзе дә күптән түгел әни булган Зинира Рамазанова калдырган. «Кирәк-кирәк. Бәби селкетеп йоклатырга шәп туп бу, кирәге чыгачак», — дигән ул.
«Шарик бар, хэзер бәбәй кирәк. Бу бәбиләр өчен бик әйбәт бишек», — дип язган икенче инстачы.
«Без оныкны гел шунда утырып, селкетеп йоклаттык», — дип үз тәҗрибәләре белән дә уртаклашканнар.
Ришат Фазлыйәхмәтовның шушы көннәрдә сөйгәне Эльмира белән никах укытуы турында язган идек.