Җырчы Ришат Фазлыйәхмәтовның тормыш иптәше Эльмира Мәскәүгә күченгән. Чемоданнарын җыйган да, чыккан да киткән. «Тормышымда яңа бүлек башлана», – дип яза ул, сторисларына аэропорт сурәтләнгән видеокадрлар куеп.
Ире Ришат Фазлыйәхмәтов белән аралары өзелгәннән соң, Эльмира: «Мин шоу-бизнес өлкәсендә калмам, мөгаен. Хәзерге вакытта башка эшкә урнашу мәсьәләләрен хәл итеп йөрим. Казаннан бөтенләй китүем дә ихтимал», – дип сөйләгән иде. Аңа кадәр ул Ришатның концерт директоры булып та эшләде.
Ришат белән Эльмира күптән түгел генә мөнәсәбәтләренә нокта куюларын хәбәр итте. Эльмира-Тәтишка, аралары өзелүнең төп сәбәбе итеп, Ришат тарафыннан игътибар җитмәүне атады.