Ришат Фазлыйәхмәтов хатыны Эльмира-Тәтишканы кире кайтарырга ниятли бугай. Кичә җырчы үзенең аккаунтына элекке хатыныннан гафу үтенү сүзләре язып, пост урнаштырган иде. Бүген дә аның лентасында Эльмира белән төшкән фотосурәт.
«Безнең бәхетле мизгелләр. Бик сагындыра… Хәтереңдәме, бу фотоны күрсәткәч: «Синең корсагың үстеме әллә?» – дип сораган идем. Ә син 1 атна минем белән сөйләшмәдең», – дип язган Ришат.
«Аллаһы боерса, алда тагын да күңелле мизгелләр булыр әле»; «Бергә булыгыз», «Дуслашыгыз инде тизрәк», – дип тынычландырганнар Ришатны дуслары.
«Ришат, бик матур һәм сиңа лаеклы хатының булачак. Бер дә кайгырма»; «Ул битендәге уколларның тәэсире беткәч, Эльмираң нинди булыр икән», – дип комментарий калдыручылар да бар.