Ришат Фазлыйәхмәтов реанимациягә эләгүе турында: «Мин – күңелгә якын ала торган кеше»
Җырчы Ришат Фазлыйәхмәтов узган елның декабрендә реанимациягә эләккән иде. «ТНВ»ның «Ютуб» каналында чыгучы «Ә син?» тапшыруында җырчы моның сәбәпләрен сөйләгән.
Мин – бөтен әйберне дә күңелгә якын ала торган кеше. Спортзалдан кайтып, чәйләр эчеп утырганда, күкрәктә кысып алган кебек булды да, су эчеп алыйм дигәндә генә түндем. Шуннан соң мин берни дә хәтерләмим. Эльмира (хатыны Тәтишка) «ашыгыч ярдәм» чакырткан, мин реанимациядә генә уянып киттем, – дип сөйләде Ришат.
Җырчы сүзләренчә, аның аеруча нык борчылган вакытлары гастрольләргә туры килгән.
Ришат Фазлыйәхмәтовның реанимациягә эләгүе, хатыны белән аерылышып йөргән вакытлары турында «Интертат» та язган иде.
