Бик күпләрнең канына «тоз салган» рэпер Моргенштерн аерылган. Ул күптән түгел «Рок йолдызы яхшы ир була алмый», - дигәннән соң аның аерылышу турында читләтеп әйтүен фаразлаганнар иде. Бу дөрес булып чыкты. Хатыны – татар кызы Диләрә Зиннәтуллина: «Мин бу тарихны төгәлләргә кирәк дигән нәтиҗәгә килдем», - дип белдерде. «Аның турында начар сүз әйтәсем килми. Мин аны начар кеше яки начар ир димим. Никадәр генә гадәти булмасын, безнең холыклар туры килмәде. Һәм без алга таба шундый якын мөнәсәбәтләрдә кала алмыйбыз дигән нәтиҗәгә килдек.
Туй… Нәкъ менә туйдан соң безнең мөнәсәбәтләр бозыла башлады. Һәм безнең ара никадәр кечкенәрәк булган саен, без башкарак булабыз. Мин белмим, моны белер өчен ни өчен өйләнешергә кирәк булгандыр? Хәзер барысы да артта калды», – дигән ул.
Шулай да Диләрә үзенең хәле әйбәт иәнен язган. Минем идеяләрем күп, яңа контент җитештерәм, дигән ул.
Моргенштерн аерылышуларын раслаган. «Акыллы, зур кыз, сокланам», – дигән Моргенштерн, Диләрәнең сүзләрен шәрехләп.
Моргенштерн үзенең йөргән кызы Диләрәгә былтыр җәй өйләнгән иде. «Бер татар кызы башымны әйләндерде», – дип сөйләде ул. (Моргенштернның үзенең башкорт икәнен әйткәне бар).
