Радий Хәбировның хатыны баласын кайсы хастаханәдә тапкан?
Уфадагы «Мать и дитя» госпитале республика башлыгы һәм аның хатыны белән баласы төшкән фотоларны күрсәтте.
Башкортстан Башлыгы Радий Хәбировның хатыны Каринэ баласын Уфадагы «Мать и дитя» госпиталендә тапкан. 56 яшьлек республика башлыгы һәм аның 38 яшьлек хатыны Каринэ, яңа туган баласы төшкән фотолар госпитальнең социаль челтәрдәге аккаунтында чыкты. Бу турыда Уфа.Онлайн язды.
«Мать и дитя» госпитале коллективы республика башлыгын һәм аның хатынын котлый.
Бала табарга госпитальнең баш табибы Полина Коршикова, акушерка Лилия Сальманова, табиб-неонатолог Алинә Шәмсетдинова һәм Азат Ильбактин ярдәм иткән.
- 26 гыйнварда Радий Хәбиров бала табучы хатыны белән янәшәдә булган. Сабыйга Тимер дип исем кушканнар. Аның буе 56 см, авырлыгы 3,030 кг. Хәбировлар гаиләсендә өч ул тәрбияләнә. Нәни Тимер 56 яшьлек Радий Хәбировның дүртенче баласы.