Казанда яшәүче популяр блогер, «Ак Барс» матчларын алып баручы, «Аляска» буларак танылган Алия Мәһдиева-Рәҗәпова әни булган. Бәби дөньяга бүген – 4 гыйнвар көнне аваз салган.
Блогер җәй көне тормыш иптәше белән әти-әни булачакларын хәбәр иткән иде. «Без бәби көтәбез. Мин бу бәхетне сездән яшерә алмыйм», – дип сөйләде ул социаль челтәрдә 140 мең «подписчигына».
Алиянең тормыш иптәше Марат – теш табибы. Ул, шулай ук, үзенең шәхси блогын алып бара. Алия үзенең авылда яшәүче әбисе белән дә бик күңелле видеолар төшерә.
