"Первый канал"ны Анастасия Заворотнюк турында сөйләгәне өчен судка бирергә мөмкиннәр

Җырчы, продюсер Андрей Разин "Первый канал" редакциясен "Пусть говорят" тапшыруында Анастасия Заворотнюк турында сөйләгәннәре өчен судка бирергә вәгъдә итә.

"Ласковый май" төркемен оештырган Андрей Разин Анастасиянең дусты. Соңгы көннәрдә Заворотнюкның авыр хәле турында ул мәгълүмат биреп барды. "Первый канал" Разинның сүзләрен тапшыруда кулланган.

"Алар минем сүзләрне үзләрен ничек телиләр, шулай аңлаганнар һәм контексттан тартып чыгарганнар. Ул программаны карамагыз! Мин алар белән судлашам. Бернәрсәгә дә ышанмагыз, ул безнең илдәге иң начар тапшыру", - дип язган Разин инстаграмында.

Ул Анастасия Заворотнюкның авыруында спекуляция ясаган кешеләрне гаепләгән. 

Исегезгә төшерәбез, Анастасия Заворотнюк турындагы тапшыру кичә булды. Аны безнең хәбәрчебез дә карады. Анда яңгыраган фикерләрне моннан укыгыз.