Элвин Грей псевдонимы белән чыгыш ясаучы Радик Юльякшин 6 февральдә Белорецкида куйган концертында үзен сәер тоткан. Артист тамашачы алдына исерек килеш чыккан булырга мөмкин. Бу хакта социаль челтәрләрдә җырчының фанатлары язып калдырган, дип хәбәр итә АиФ басмасы.
«Исерек идең. Оят», – дип язган бер Интернет кулланучы.
«Оят, хурлык – исерек. Халык, аны үзегезнең шәһәрдә түземсезлек белән көтмәгез. Шулай ук исерек килеш чыгыш ясаячак», – дигән икенчесе.
Элвин Грей Янавылда бер тапкыр исерек килеш чыгыш ясаган иде инде. Күпмедер вакыттан соң, ул бу гамәле өчен тамашачысыннан гафу үтенде.
Шулай ук узган атнада Таиландтан ялдан кайтып килүче Элвин Грейны хокук сакчылары туктатып, Тикшерү комитетына повестка бирмәкче булганнар, дип язган идек.