«Орел и решка» журналисты яшергән 100 долларны эзләп, Каенлыкны актарып бетергәннәр
Тимур Родригезны Казанга экологик зыян салуда гаепләгәннәр.
Казанның Тынычлык бистәсендәге Каенлыгында халык «Орел и решка» телетапшыруының алып баручысы яшергән 100 долларны эзләгән.
Тапшыруда кабул ителгән тәртип буенча, Тимур Родригез акча салынган шешәне урмандагы агач түмгәкләренең берсендә яшереп калдырган. Тапшыру 13 ноябрьдә чыккач, күп кенә казанлылар, акчаны эзләү өчен Каенлыкка көрәк тотып кереп киткән, агач түмгәкләрен актарган. 100 долларны эзләр өчен ялларын да кызганмаганнар. Кайберәүләр акча эзләргә төнлә үк тотынган - тапшыру Владивосток сәгать поясы буенча тапшыру төнге бердә чыга.
«Күптән түгел миңа тапшыру бу шимбәдә чыга диделәр. Без карадык та, балалар белән барып карарга уйладык, ләкин табып булмады», — дип сөйләгән казанлыларның берсе.
Социаль челтәрләрдә Тимур Родригезны Казанга экологик зыян салуда гаеплиләр.
