Тинчурин театры артисты Ирек Хафизов белән алып баручы Ядкәр Хәбибуллин кодалар булды

Тинчурин театры артисты Ирек Хафизов белән Ядкәр Хәбибуллин бүгеннән башлап кодалар булдылар. Хәзерге вакытларда – өйлә намазыннан соң – Ирекнең улы Ранис белән Ядкәрнең кызы Назлыгөлнең никахы укыла.

Ядкәр Хәбибуллин Салават Фәтхетдинов концертларының алып баручысы буларак билгеле. Аның кызы Назлыгөл Кариев театры актрисасы иде, берничә ел элек ул театрдан киткән.

• Татарстанның атказанган артистлары Гөлчәчәк һәм Ирек Хафизовлар икенче улларын өйләндерә. Улларының берсе – Ислам – Тинчурин театры артисты Әдилә Хәсәновага өйләнде.