Украина әсирлегеннән 63 хәрби азат ителгән
Хәрби хезмәткәрләрне азат итү Берләшкән Гарәб Әмирлекләре җитәкчелегенең арадашчылыгы һәм тырышлыгы нәтиҗәсендә мөмкин булган, дип хәбәр итә Дума депутаты Шамсаил Саралиев.
«Катлаулы сөйләшүләр нәтиҗәсендә Украина территориясе контролендә булган территориядән Россия Федерациясе Кораллы көчләренең 63 хәрби хезмәткәре кайтарылды», – диелә Россия Оборона министрлыгы хәбәрендә.
Видеода кайбер хәрбиләрнең яралы булуы күренә.
Билгеләп үтелгәнчә, хәрби хезмәткәрләрне азат итү Берләшкән Гарәбстан Әмирлекләре җитәкчелегенең арадашчылыгы һәм тырышлыгы нәтиҗәсендә мөмкин булган. Хәзер хәрбиләргә Россия территориясендә медицина һәм психология ярдәме күрсәтелә. Шулай ук аларга туганнары белән элемтәгә чыгу мөмкинлеге бирелгән.
Алдарак Мәскәү белән Киев арасында тоткыннар алмашуы 8 гыйнварда булган. Ул вакытта үз ватанына 50 Россия хәрби хезмәткәре кайткан.
