Лилия Хәмитова социаль челтәрдәге сәхифәсенә галәмәт зур машина янына Винарис белән төшкән фотосын урнаштырып куйган. Анда «Риза булдым һәм үкенмим. Беркемне дә кызганмыйм» дип язылган.
Лилияне кәләш статусы белән котлаганнар һәм бәхетле тормыш теләгәннәр. Җырчының виртуаль дуслары «яшь пар» өчен чын күңелдән шатланулары турында да язган.
Кемгә – нәрсә… Җырчы Нурзадә, кәләшнең чәчәк бәйләме бәхет китермәсме, дип уйланган.
«Кәләшнең чәчәк бәйләме миңа гына, зинһар, исеңдә тот», – дип язган ул, уенын-чынын бергә кушып.