Җырчы Нурзадә туган авылына кайтып, әтисенең кырыгын уздырып килгән. Фердинанд абыйның ашы аның туган көненә туры килгән.
«Әтинең кырыгы да җитте. Ә бүген – аның туган көне… Шундый матур көндә туган безнең әти. Туган көнен бер дә уздырырга яратмый иде. «Картайган өчен сөенеп утырыйммы инде мин?» – ди торган иде. Шулай туры килде...» – дип сөйләде Нурзадә Казанга килешли, моңсуланып.
Нурзадәнең әтисе 11 апрель көнне вафат булды. Фердинанд абыйга 79 яшь иде. Ул Арча районы Яңа Кенәр авылында гомер итте. Соңгы вакытта каты авырды.
