Җырчы, баянчы Нияз Сафиуллин «Интертат»ка шатлыгы белән уртаклашты. Артист, мәдәният үсешенә керткән өлеше өчен, министрлыкның мактау грамотасына лаек булган. Бүләкне ул мәдәният министры Ирада Әюпова кулыннан алган.
«Куанычым зур. Көтелмәгән бүләк булды бу Яңа ел алдыннан», – дип язды безгә артист.
Нияз Сафиуллин – автор-башкаручы, баянчы. Иҗат юлын Динә һәм Рафаэль Латыйповлар белән башлап, Илнар Сәйфиев, Резеда Кадыйрова, Бәширә Насыйрова, Зөлфия – Җәвит Шакировлар, 9 ел Ринат Рахматуллин һәм 3 ел Вадим Захаров белән эшләде. Соңгы елларда үзе дә концертлар белән йөри.
