Нияз Җәләловның улы армиядән кайткан - фотолар

Җырчы Нияз Җәләлов гаиләсенең бу көннәрдә бик зур шатлыгы бар – аның улы Булат армия сафларыннан исән-имин әйләнеп кайткан. Җырчы Булатны вокзалда сөйгән кызы, әти-әнисе, апасы, якыннары каршы алган. Солдатның якыннары белән күрешү мизгелләрен Нияз Җәләлов социаль челтәрләргә урнаштырган. Әти кеше үзе дә улы өчен чын күңелдән сөенү һәм горурлык хисләрен яшереп тора алмый. «Әле яңа гына армиягә киткән иде кебек. Инде бер ел вакыт сизелми дә узып китте. Ышана да алмыйм – малаемны каршылыйм бит бүген», – ди ул. 

«Һәр ир-егет ил алдында үзенең хәрби бурычын үтәргә тиеш. Булат армиягә үз теләге белән китте. Армиядән алып калу турындагы уйларны башка кертмәдем», – дип сөйләгән иде җырчы бер ел элек «Интертат»ка.

• «Кило ярым прәннек»не җырлаучы Нияз Җәләлов: «Тагын бәби алып кайтуыбыз да ихтимал»