Мобилизацияләнгән татарстанлыларны ДНР частеннән үз полкларына кайтарганнар
Kazanfirst махсус операция зонасында мобилизацияләнгән Татарстан кешеләрен үз полкларына кайтарулары турында яза. Алар моңа кадәр ДНР хәрби частендә булалар.
Мобилизацияләнгәннәр, үзләрен бернинди ярдәмсез штурмга җибәрүләреннән ризасызлык белдереп, видео яздыралар һәм республика җитәкчелегенә мөрәҗәгать итәләр. Хәрбиләр алга таба тик үз полкларында хезмәт итәргә әзер булуларын белдерәләр.
Әлеге видео социаль челтәрләрдә һәм мессенджерларда тарала.
«Безнең мәгълүмат буенча, барлык мобилизацияләнгәннәр үз полкларына кире кайттылар», – дип хәбәр итә Татарстан Рәисенең матбугат хезмәте, дип яза Kazanfirst.
