Милли-мәдәни үзәктә үзгәрешләр: яңа исем һәм милли китапханә төзелеше
Казанның визит карточкаларының берсе булган бинада реконструкция бара. Ул тиздән ачылыр дип көтелә.
«Казан» милли мәдәни үзәге хәзер «Казан шәһәренең музей комплексы» дип атала. Тиздән яңа исем элеккеге милли-мәдәни үзәкнең барлык документларына да теркәләчәк. Башкарма комитетның милли-мәдәни үзәкнең исемен үзгәртү турындагы карары шәһәр мэриясы сайтында документлар җыентыгында бастырылган. Аны башкарма комитет җитәкчесе Денис Калинкин имзалаган.
Музей комплексы бинасында Милли китапханә ачарга планлаштыралар, анда реконструкция эшләре бара. Планнар буенча, ул агымдагы елның өченче кварталында төгәлләнергә тиеш. Проектта 2,4 млн шартлы берәмлекләрне саклау урыннары, беренче һәм икенче катларда уку заллары урнаштыру күздә тотылган.
Рөстәм Миңнеханов 17 июньдә реконструкциянең барышын тикшерде. Шул ук вакытта президентка реставрация эшләреннән соң «Хөррият» скульптурасын да күрсәттеләр.
Милли-мәдәни үзәк бинасы 1988 елда Казансу ярында Советлар модернизациясе стилендә төзелә. Ул үсеп килүче Кызыл байракны символлаштырган.