Миләүшә Сафина: «Улыбызга Данияр дип исем кушачакбыз»
«Ходаема шөкер», — дип язган Миләүшә Сафина үзенең Инстаграм битендә.
Миләүшә Сафина 19 июль көнне әни булган иде.
«Бүгенге хисләремне аңлатып бирер өчен сүзләр табып булмый. Минем чынбарлыгым бик үзгәрде. Хәтта бу язмышның минеке булуына ышанып булмый. Язмышымның зур бүләге - хәләл җефетем һәм ана булуның искиткеч бәхете, якыннарымның кайгыртып торуы. Ходаема шөкер», — дип язган Миләүшә үзенең Инстаграм битендә.
Без Миләүшәгә шалтыратып, аның һәм сабыйның хәлен белештек.
«Иртәгә безне хастаханәдән чыгарырлар дип ышанам. Улыма Данияр дип исем кушачакбыз. Хәлләребез яхшы, Аллаһка шөкер», — дип әйтте Миләүшә.