Җырчы Миләүшә Сафина кабат әни булды!
"Без сине бик көттек!" - дип язган инстаграмда Миләүшә.
Җырчы Миләүшә Сафина инстаграмда сөенечле хәбәр белән уртаклашты. Ул кабат әни булган!
"Улым, без сине бик көттек. Аллага шөкер, гаиләбез тагын да тулыланды", - дип язган Миләүшә.
Шунысын әйтергә кирәк, Миләүшә үзенең бәби көткәнен язылучыларыннан яшерде. Инстаграмда аның йөкле килеш төшкән фотолары юк. Шуңа да бүгенге хәбәре язылучылары өчен дә күңелле сюрприз булды.
Миләүшәнең ире белән танышканына да төгәл бер ел икән.
Җырчының беренче никахыннан кызы Мәрьям бар. Хәзер Мәрьям дә энеле булды.
