Махсус операциядә Башкортстанның «Сибай» ансамбле биючесе Илнар Хатмуллин һәлак булуын хәбәр иткән идек. Бу хакта социаль челтәрдәге «Безнең Башкортстан» сәхифәсеннән билгеле булды. Шушы ук төркемдә артистның соңгы биюен урнаштырдылар. Илнар Хәтмуллин соңгы биюен, хәрби операциягә китәр алдыннан, автобус янында биегән. Илнарның февраль аенда гына улы туган.
«Эх, безнең яраткан егетләребез! Ничек бииләр! Тизрәк бөтенесе дә бетсен иде дә, барысы да өйләренә кайтсын иде»;
«Әрәм булды сылу егет»;
«Харап булган балакай. Кемнеңдер газизе бит инде»;
«Елатты»;
«Йөрәкләрем әллә нишләде, эх»;
«И-и-и, балакай гынамы, йөрәк сызлый. Җаны җәннәттә булсын, якыннарына сабырлык», дигән сүзләр белән, халык гаиләнең кайгысын уртаклаша.