«Матур кеше син» — Ришат Фазлыйәхмәтов тагын мунча кергәнен күрсәткән
Аллаһка шөкер, бу юлы шыр ялангач түгел…
Ришат Фазлыйәхмәтовның мунча яратуы күптәннән билгеле. Тормыш иптәше Эльмира-Тәтишкә дә ире турында "мунча корты" дип сөйләде. Өч ел элек Ришат үзе дә инстаграмга анадан тума төшкән фотоларын урнаштырып, халыкның аңын алган иде.
Җырчы халыкка тагын мунча кергән видеосын күрсәткән. Бу юлы эчке киемен кияргә онытмаган.
Ришат белән энесе Рәмзил кызу мунчадан чыгып, чыныгу күнегүләрен күрсәтәләр. "Сез дә кабатлагыз, сау-сәламәт булырсыз", - дип, җырчы эстаафетаны инстаграм дусларына тапшыра.
"Булдырасыз, егетләр. шушы салкында да урамга чыгасыз", - дип егетләрне Тәтишкә куәтләп торган.