Арча район Яңа Кенәр авылында яшәүче Надил Шакирҗанов Марат Яруллинны җыр авторын дөрес атамауда гаепли, дип язган идек. Эш шунда: Марат Яруллин «Миңа нишләргә?» дигән җырын Рим Шәфигуллин язган, дип күрсәтә, Надил Шакирҗанов исә ул җырны шулай ук Яңа Кенәр мәктәбендә укыган Нуретдин Шәйхетдинов үзе моннан 4 дистә елдан артык элек язуын һәм «Беренче мәхәббәт» дип аталуын әйтә. Ул бу җырның тууына сәбәпче булган мәхәббәт тарихын да сөйләп күрсәтте.
Марат Яруллин исә, Рим Шәфигуллин бу җырны РАОда теркәгән, дип бара. Автор инде вафат, аннан сорап булмый, Марат Яруллин, авторлык хокукларын мирас буенча үзенә алган туганнары белән сөйләшүләр алып бардым, ди.
«Интертат» Рим Шәфигуллинның туганнарына, дәлилләрен күрсәтү өчен, мәйдан бирергә әзер. Әлегә исә Надил Шакирҗановның клибын карагыз һәм Марат Яруллинныкы белән чагыштыра аласыз.