Марат Мухин хатынына кияүгә чыгарга тәкъдимне ничек ясаган?
Танылган аранжировщик әлеге романтик вакыйгага алдан әзерләнгән. Чәчәкләр, ярәшү йөзеге сайлаган, дуслары һәм хатынының керфек үстерүче мастеры белән сөйләшеп куйган. Мастерның монда ни катнашы бар диясезме?
Марат Мухинның тормыш иптәше Гөлия Вәлиәхмәтова Маратның үзенә ни рәвешле кияүгә чыгарга тәкъдим ясавы турында сөйләгән. Сторисларына бу истәлекле көннең фотоларын да урнаштырган.
«Мин керфек үстерергә килгән идем. Күзләремне ачсам, шарлар һәм чәчәкләр күтәреп Маратның дуслары басып тора. Ә кушеткада кулына йөзек тотып, күзләре яшьләнгән Марат утыра. Мин шок халәтендә калдым. Иң кызыгы — алты кеше ничек шулай тавыш-тынсыз керә алган. Баксаң, алар минем мастер белән алдан сөйләшеп куйганнар икән.
Андый вакытта кызларның матур күренәселәре килә бит инде. Гөлия үзенең бу көнне бизәнмәгән һәм косметологик процедурадан соң бераз шешенгән булуына гына борчылган. Алай да яшь пар фотоларда бик бәхетле һәм матур күренә.
- Марат Мухинның тормыш иптәше Гөлия Вәлиәхмәтова: «Маратны башта сәер дип уйладым»