Мәчет каршында биеп низаг чыгарган Резедә Ганиуллина тагын Татарстаннан киткән

Биюче Резедә Ганиуллинаның Татарстанга кире кайтуы турында язган идек. Ләкин ул монда озак тоткарланмаган, яңадан китеп барган. Бу юлы – Марокко якларына. Бу хакта биюче социаль челтәрдәге сәхифәсендә хәбәр итә.

«Язмышым мине Мароккога китерде. Мин моңа бик шат. Ышанычлы итеп Көнчыгышка таба атладым һәм ялгышмадым. Күзәтеп барыгыз», – дип язган ул. 

Резедә 2 ел элек Болгардагы «Ак мәчет» каршында ярымшәрә килеш Көнбатыш биюләрен башкарып, мөселман дөньясында шау-шу уяткан иде. Ул бу клибы өчен суд юлларын таптады, җәмәгатьчелектән гафу үтенде. Бу вакыйгадан соң ул Һиндстан якларына китеп, сәнгать белән шөгыльләнүен дәвам итте.