Җырчы Лилия Хәмитова әнисен соңгы юлга озатышырга ярдәм иткән, кайгы уртаклашкан барлык кешеләргә рәхмәтен белдерә.
«Авыр вакытыбызда гаиләбезгә терәк булганыгыз өчен рәхмәт. Үзегезне саклагыз... Сезне яратып, мин», – дип язган ул социаль челтәрләргә.
Лилия Хәмитова, видеотасма ясап, кадерле кешесе белән төшкән бик күп фотолар да урнаштырган.
Җырчының әнисе кичә, иң изге бәйрәмнәребезнең берсе булган Мәүлид кичәсендә китеп барды. Кифая ханым озак еллар яман шеш авыруы белән көрәште.
