Җырчы Гөлдания Хәйруллинаның кулын сындыруы турында язган идек. Әнисенең әлеге күңелсез хәлгә кайда юлыгуы турында кызы – җырчы Лилия Хәйруллина социаль челтәрләрдә сөйләгән. Бәла аяк астында, дип, юкка гына әйтмиләр. Гөлдания апа очрагында бу сүзне туры мәгънәсендә аңларга була.
«Барысы да бездә башланды. Әни, киенергә дип кереп барганда, балалар уенчыгына басып егылган. Кулы белән төшкән. Бик каты авырту тойды. Травмпункт эзләп киттек. Әле әни: «Инде бөтен җир ябыктыр, иртәгә барып кайтырмын», – дип тә әйткән иде. Ахырда Республика клиник хастаханәсенә килдек. Рентген ясаткач, кулының сынган икәнлеге күренде», – дип язган ул.
Гөлдания апаның тизрәк сихәтләнүен теләп калабыз.
Фото: © Лилия Хәйруллинаның социаль челтәрдәге сәхифәсеннән