Лилия Кадыйрова кайда эшләячәген әйтте: «Моннан нәрсә килеп чыгасын вакыт күрсәтер»
«ТМТВ» каналы баш мөхәррире Лилия Кадыйрова эшеннән киткән, дип язган идек. Бүгенге көннән башлап ул – «ТНВ» телеканалының генераль продюсеры вазыйфасында. Бу хакта Лилия социаль челтәрендә хәбәр итә.
– Беркайчан да «беркайчан да» димә. Хәзер мин Илшат Юнысович Әминов командасында, «ТНВ» телеканалының генераль продюсеры вазыйфасында. Моңардан нәрсә килеп чыгасын вакыт күрсәтер. Теләк, тәкъдим, хезмәттәшлек өчен бары тик реаль, чынга ашырырдай тәкъдимнәрегезне аккаунтыма юллый аласыз. Ихтирам белән Лилия Кадыйрова! – дип язган ул.
«Лилия, уңышлар сиңа!», «Котлыйм Сезне!», «Рәхим итегез!» – дип язганнар аңа.
