Ландыш Нигъмәтҗановага кызы: «Тагын малай булса, түзә алмыйм. Кыз алып кайт»
Ләйлә малайлардан качып ял итә һәм алар белән арып бетүе турында сөйли.
Ландыш Нигъмәтҗанова белән Фәрит Таишевның кызы Ләйлә әнисеннән кыз алып кайтуын сорый. Җырчы шул хакта сөйләшү турында видео куйган.
«Тагын малай булса, түзә алмыйм, миңа кыз бәби кирәк. Малайлар чәчемне өзә. Ярата белмиләр», — дип сөйли Ләйлә.
Иҗади гаиләнең виртуаль дуслары Ләйләнең теләге чынга ашуын теләгән.
Ландыш Нигъмәтҗанованың дүртенче бәби көтүе турында язган идек.