Җырчы Руслан Кираметдинов социаль челтәрләрдә үзенең җитди генә авырып алуы хакында хәбәр итә.
«Хәерле кич, дусларым, яраткан «подписчик»ларым. Мине югалттыгыз… «Нигә «Телеграм»га кермисең, хәбәрең юк», – дип язасыз. Дөресен әйткәндә, чирләдем, дуслар. Салкын тигән иде. Инде хәзер хәлем җайланып килә. Менә репетицияләргә җыелдык. Апрель аенда яңадан концертларыбыз башлана. Сез дә үзегезне саклагыз. Киенеп йөрегез. Хәзер – иң алдалый торган вакытлар», – дигән Руслан.
Җырчының сәхифәсен карап баручылар Русланның «табылуына» сөенгән. Кайберәүләре «Русланга күз тигәндер» дигән фикердә.
«Менә бит, йөрәкләргә җан керде. Рәхмәт, игътибарсыз калдырмавың өчен!»;
«Сиңа авырырга ярамый. Без сине бик яратабыз, энем. Әти-әниең гомер буе шатланып яшәсеннәр»;
«Авырма инде, матурым. Үзеңне сакла. Күз тидерделәрме әллә? Чаллы концертың бик матур узды бит, хәзер Казанны көтәбез»;
«Тавышыңны сакла, сиңа күз тия. Нервыланма. Күз тиюдән ничек саклану турында әниең белән киңәш. Төрле кеше бар: берәүләре – сокланып, икенчеләре көнләшеп карый, барысын да күтәрергә кирәк. Сагынып көтәбез сине сәхнәләрдә», – дип язганнар алар.
Фото: © Руслан Кираметдиновның «Телеграм» каналы