Mash: Курск өлкәсенең 28 торак пункты дошман контролендә, 2000 кешенең язмышы билгесез
«Курск өлкәсендә 12 кеше һәлак булган, 121 кеше яраланган, алар арасында 10 бала бар», – дип хәбәр итә Mash Телеграм-каналы.
Россия Президенты Владимир Путин катнашында Ново-Огаревода узган утырышта чик буендагы вазгыять буенча әйтелгән кыскача яңалыклар:
Курск өлкәсенең 28 торак пункты ВСУ (Украина кораллы көчләре) контролендә. Бу хакта губернатор вазыйфаларын вакытлыча башкаручы белдергән. Пилотсыз очу аппаратлары һәм ракета һөҗүмнәре ешайган. Украина кораллы көчләре 40 чакрымда 12 чакрым эчкә үтеп кергән.
Курск өлкәсендә Россия документлары булган диверсион төркемнәр эшли. Төбәктә блокпостлар һәм патрульләр саны артачак.
Курск өлкәсенең чик буе торак пунктларыннан күчеп китүчеләр саны арткан. 121 мең кеше эвакуацияләнгән һәм мөстәкыйль рәвештә чыгып киткән.
Торак пунктларда Украина кораллы көчләре контролендә булган 2 меңләп кешенең язмышы турында билгеле түгел. Бу хакта Алексей Смирнов белдерде.
Белгород өлкәсе губернаторы Вячеслав Гладков белдергәнчә, Белгород өлкәсе Краснояружск районында яшәүчеләр иртәгә өйләренә кайта алачак.
Россия Президенты Белгород өлкәсенең зыян күргән районнарына ипотека һәм кредитлар түләүгә мораторийны җәелдерү тәкъдимен хуплады.
Көч органнары Россиянең чик буе регионнарында КТО (Террорчылыкка каршы операция) режимын тәэмин итәргә тиеш, дип яза телеграм-канал.