Мәскәүнең көньяк-көнбатышында Генерал Тюленев урамындагы 39 нчы торак йортта шартлау булып, 2 кеше һәлак булган, 18 кеше төрле тән җәрәхәтләре алган, шуларның 2се хастаханәгә озатылган. Бу хакта ТАСС хәбәр итә.
Оператив хезмәтләр мәгълүматлары буенча, 2 фатир янган, 8 нче һәм 9 нчы катлар арасында стеналар ишелгән.
Шартлау булган фатир җимерелгән. Күрше фатирлардагы кешеләрне эвакуацияләгәннәр.
Урында ашыгыч хезмәтләр эшләвен дәвам итә. Белгечләр подъездда алга таба җимерелү куркынычы бармы икәнен ачыклаячак.
Соңрак билгеле булганча, 3 кеше һәлак.
