Чаллыдагы бер банкетта чыгыш ясаганда, Илнат Фәрхуллин сәхнәдән тамашачысы өстенә сикергән. Аны бер төркем ир-ат тотып кала һәм кулларында күтәреп йөртә. «Истәлекле мизгелне» хатын-кызлар видеога төшерә.
«Менә шундый хәлләр дә була. Чаллыда мине җибәрергә теләмәделәр, кулларында күтәреп йөрттеләр», – дигән ул.
Илнатның иң популяр «Күбәләк» җырын искә алып: «Күбәләк очты», «Күбәләк» дип җырлап кына калмады, оча да башлады. Канаты сына күрмәсен», – дип язучылар да, шаяртып: «Иң мөһиме – вакытында тотып калганнар. Бузова кебек идәнгә килеп төшмәде», «Нигә тоттыгыз инде аны, кызыграк була иде бит», – ише комментарийлар калдыручылар да бар видео янында.
«Юләр», «Инде нәрсә кыланырга белмиләр»,«Кыланмыйча гына җырлап булмыймы икән? Җырчының урыны сәхнәдә бит», – дип тәнкыйтьләүчеләр дә аз түгел.
Нәкъ шундый ук «трюкны» бер концерты вакытында Марат Яруллин да күрсәткән иде.