Казанда юлларны су басты, автобуслар эченә су тулды, кешеләр су ерып йөри - видео
Республикада яңгырлар явып узды.
Казанда көтелгән яңгыр гадәттәгечә су басулар да алып килде.
Кешеләр аяк киемнәрен салып, су ерып йөрергә мәҗбүр.
Автобуслар эченә дә су кергән. Урамнарда яртылаш суда күмелеп калган машиналар күренә.
Башкаланың төп трассаларын су басып, машиналар сүнеп калды.
«Океан» тукталышы янындагы җәяүлеләр кичүен су баскан. Юлдан машиналар су ерып баруы күренә.
Копылов урамыннан бара торган автобус эченә бер мизгелдә су тула башлый. Пассажирларын аякларын күтәреп куярга маташалар, ләкин су бик тиз тула. Кешеләр урындыкларга менеп баса. Тәрәзәдән төшерелгән кадрларда суда күмелеп калган «Газель» машинасы күренә.
- Кичә Казанда яуган яңгырга шатланучылар турында язган идек. Бауман урамында яңгыр астында яткан парны видеога төшергәннәр