Яңгырга шатлану: Бауман урамында яңгыр астында яткан парны видеога төшергәннәр
Казанда бүген көчле яңгыр яуды.
Казанда ниһаять күптән көтелгән яңгыр яуды. Бауман урамында җиргә сузылып ятып, яңгыр астында рәхәтләнгән парны видеога төшергәннәр. "ВКазани поймут" төркеменә эленгән видео астына бер комментатор: "Алар яшен сукмасын өчен шулай иткән" дип язып, кәефне төшерергә тырышкан анысы.
Урыны-урыны белән шәһәрне су да баскан. Әйтик, Дзержинский урамында суны шактый азапланып ерып йөриләр.
Павел Цветков фотолары:
Сәлмән Шәйдуллин фотолары:
"Казань-онлайн" "бераз гына яңгыр яуса, Казан урамнары Казансу филиалына әйләнә" дип яза.
