Казан кызы Камилә Вәлиева дөнья рекорды куйды

Казанда туып-үскән 14 яшьлек Камилә Вәлиева фигуралы шуу буенча Россия кубогының бишенче этабында җиңде. Бәйге 6 декабрьдә Мәскәүдә узды. Бу турыда «Татар-информ» хәбәр итте.

Камилә дә, Алинә Заһитова кебек үк, тренер Этери Туберидзе белән шөгыльләнә. Кыска программаларда туплаган очколары саны буенча ул дөнья рекорды куйды. Моңа кадәр рекордны Европа чемпионы Алена Косторная (85,45) куйган иде.

Ирекле программа йомгаклары буенча Камилә Вәлиева 168,66 очко җыеп, хатын-кызлар арасында беренче урынга чыкты.

Икенче урында Ксения Цибинова (198,44), өченче урында Анастасия Тараканова (195,27).

• «Бәллүр бию» - Камилә Вәлиева Мәскәүдә гала-концертта дүртле сикерү белән шаккаттырды, дип язган идек.