Кайгыны кичерергә ничек ярдәм итәргә?

Казанның «Гаилә» мәчете имам-хатыйбы Рөстәм хәзрәт Хәйруллин авыр кайгы килгән очракка киңәшләр бирде. Бу турыда ул телеграмдагы каналында яза.

• кабул итеп тыңларга, тәнкыйтьләмәскә,
• кайгы килгән кешегә ихлас ярдәм итәргә теләвегезне аңлатырга,
• кешенең хисләрен һәм куркуларын җитди кабул итәргә,
• кайсыбер кешеләр сезгә ачуланачагына әзер булырга,
• өмет бирергә, күңелен күтәрергә тырышырга; сынау авыр булса да, кешеләр кайгыны кичерә,
• дистанция сакларга,
• авыртуны басарга маташмаска,
• мәрхүм турында сөйләшергә, хисләрне күрсәтергә этәрергә,
• кайгылы халәттә болай эшләү «нормаль» булуын аңлатырга (ягъни бу очракта кеше кайгыра һәм моны бер ояты да икәнен әйтергә).

175 нче мәктәптәге атышта Рөстәм хәзрәт Хәйруллинның баласы яраланган, дип язган идек.