Ипотека түләгән өчен салым акчасын ничек алып була?
Сорауга Татарстан Республикасы риэлторлар гильдиясе президенты Андрей Савельев җавап бирә.
Салым инспекциясенә мөрәҗәгать итәсез. Фатир сатып алу, ипотека кредиты алу белән документларыгызны, түләнгән процентлар турында белешмәләрне,
2НДФЛ белешмәләрегезне күрсәтәсез. 2-3 ай эчендә салым инспекциясе документларыгызны тикшерә, сезгә акча күчерә. Катлаулы бер әйбер дә юк кебек, ләкин һәркем мөстәкыйль башкарып чыга алмаска мөмкин. Чөнки декларация һәм 3 НДФЛ тутыру гади кешегә авыррак. Бу хезмәт бик кыйбат түгел. Декларация тутырту 300-500 сумга төшә. Һәр салым инспекциясендә декларация тутыручы коммерция структуралары вәкилләре бар. Без, мәсәлән, агентлыкта бу декларацияне бушлай тутырабыз.
Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.