Йөклелек вакытында үлемгә китерә торган сәбәпләрне медицина фәннәре кандидаты, табиб-терапевт Андрей Кондрахин аңлаткан. Бу турыда «АиФ» хәбәр итте.
Эксперт фикеренчә, хатын-кызның йөрәк белән проблемалары булса, йөклелек үлемгә китерергә мөмкин, чөнки бу чорда ана организмы 2 кеше тормышы эшчәнлеге өчен эшли.
«Әгәр пациентта моңа кадәр йөрәк авыруы билгеле булса, йөклелек йөрәк-кан тамырлары патологияләрен катлауландырырга мөмкин. Фактта 1 йөрәк 2 кеше гомере өчен җавап бирә», – ди табиб.
Кондрахин сүзләренчә, йөрәк өянәге китереп чыгара торган авырулар санына клапан аппаратының зәгыйфьлеге, миокардитлар һәм аритмия керә. Моннан тыш, йөрәк белән башка проблемалар да бәхетсезлек – мәсәлән, эчке кан саву яки анемия китереп чыгарырга мөмкин.
«Йөклелек вакытында өянәк килеп чыгу сәбәбе үпкәләр үсешендә аномалия, үпкәләр кәүсәсенә йөкләнеш яки тромбоэмболия дә булырга мөмкин», – ди эксперт.
Табиб ассызыклаганча, йөклелек вакытында даими рәвештә табиб күзәтүендә булырга кирәк, диелә хәбәрдә.
- Һиндстанда танылган актриса, доктор Прия йөклелекнең сигезенче аенда вафат булган. Популяр телейолдыз йөрәк өянәгеннән үлгән. Табиблар актрисаның баласын саклап кала алган, ул исән. Хәзер нарасый интенсив терапия бүлегендә, аның гомере һәм сәламәтлегенә куркыныч янамый, дип язган идек.