Һиндстанда танылган актриса, доктор Прия йөклелекнең сигезенче аенда вафат булган. Аңа 35 яшь иде. Бу турыда РЕН ТВ яза.
Популяр телейолдыз йөрәк өянәгеннән үлгән.
«Ул сигезенче ай йөкле иде», – диелә хәбәрдә.
Табиблар актрисаның баласын саклап кала алган, ул исән. Хәзер нарасый интенсив терапия бүлегендә, аның гомере һәм сәламәтлегенә куркыныч янамый.
Прия табиб булган, шул ук вакытта кинода да төшкән. Йөкле чакта ул фильмнарда төшүдән туктап торган, диелә хәбәрдә.
