Башкортстанның Дүртөйле районында яшәүче хатын тикшерүчеләргә баласын ничек итеп үтергәнен күрсәткән - видео

Башкортстанның Дүртөйле районында яшәүче хатын тикшерүчеләргә баласын ничек итеп үтергәнен күрсәткән - видео
Башкортстанның Дүртөйле районының Исмәгыйль авылында нәни баланы эзлиләр, дип язган идек. Бер яшьлек Тимур төн уртасында өйдән юкка чыккан. Аны 28 яшьлек әнисе йокларга салган, ә иртән бишектә баласын тапмаган.


Башкортстан буенча тикшерү комитеты тикшерү эксперименты уздырган. Муляж күтәргән ханым баласын ничек үтергәнен сөйли. Ул берөзлексез: "Барысы да яхшы булыр, ач булмас, әйбәт булыр, еламас" дип кабатлый һәм ишегалдына алып чыгып, баласын кайда үтергәнен һәм күмгәнен күрсәтә.

Баланы үтергән өчен 8 елдан 20 елга кадәр иректән мәхрүм ителү каралган. Хәзер хатынның акылга саумы, гамәлләренә җавап биргәнме икәнен тикшерәчәкләр.