«Татаркино» һәм аның директоры Ильяс Гафаров иртәгә – 5 июньдә «Черек күл» паркында кино яратучылар клубы очрашуына чакыра.
«Парк амфитеатрында «Сосна чабатасы», «Письма», «Рәхим итегез» кыска метражлы фильмнар күрсәтеләчәк. Очрашуда фильмнарның авторлары Рәдиф Кашапов, Айдар Шәрипов, Илшат Рәхимбай катнаша һәм алар белән фикер алышу мөмкинлеге булачак», дип хәбәр итә «Татаркино»ның матбугат үзәге.
Очрашуның модераторы – Ильяс Гафаров.
Башлана 19:00 сәгатьтә.