Татарстанның атказанган җырчысы Илсөя Бәдретдинова 4 февральдә туган көнен билгеләп үтә. Шул уңайдан ул, үзен котлап, «Яхшы кеше туган бүген» дигән җыр яздырган. Илсөя төркеме белән бу җырга кызыклы клип та төшерде. Әмма әлегә музыкаль мәйданчыкларга җыры гына чыкты.
Җырның авторлары – Ренат Галиәскәр һәм Илдус Дәүләнов.
«Туган көннәрегездә бу җыр яңгырар, дип көтәм. Нормуль же. Ду китереп истәлеккә видео төшерергә онытмагыз, мине дә билгеләгез», – дип язган социаль челтәрдәге сәхифәсендә җырчы.
Комментарийларда җырчыны иҗатташ һәм виртуаль дуслары туган көне белән котлаган, изге теләкләрен юллаган.
«Яхшы кеше туган бүген, уйласам – исем китә.
Көндә җай табып торасың җир җимертеп яшәргә.
Теләкләрнең иң изгесе – бөеремнең түреннән,
Ел да машина яңарту килсен синең көчеңнән.
Әллә ярый да тугансың,
Молодец син, ичмасам!
Яши белеп яшисең бит,
Тагын да шулай кылан», – дип җырлый Илсөя Бәдретдинова.