Татарстанның атказанган артисты Илсөя Бәдретдинова социаль челтәрдәге сәхифәсендә «игезәген» эзләве, яңа сезон өчен клип төшерү теләге турында хәбәр иткән иде.
«Игезәк»ләр җырчы белән очрашуга килгән. «Монда бер Илсөя белән нишләргә белмисең. Бу кадәр Илсөя белән нишләмәк кирәк?» – дип яза «ИБ бандасы» төркеменең концерт директоры Гүзәл Карамиева.
Җырчы кызларга килгән өчен, ә кызлар чакырган өчен рәхмәт белдерә.
«Мин нинди матур икән», – ди Илсөя, кызларда үзен күреп.
