«Көтмәде, минем характерны белә»: Илназ Минвәлиевның армиядәге улы хәрби ант биргән
Илназ Минвәлиевның төпчек улы Ильяс армиягә киткән, дип хәбәр иткән идек. Ильяс Оренбург өлкәсендәге хәрби-космик оборона гаскәрләре сафында хезмәт итә.
«Улыбызның хезмәте әйбәт кенә башланып китте. Шушы көннәрдә Ильяс хәрби ант бирде. Тантанасына барып йөрмәдек. Фото-видеоларын карап, сөенеп утырдык. Аларны башка егетләрнең әти-әниләре төшереп җибәргән иде. Әле киткәненә 1 ай гына, аңа ияреп йөреп булмый инде. Ярты ел күрешми торган булсак, барып та кайткан булыр идек. Үзе дә көтмәде, ул минем характерны белә», – диде җырчы «Интертат»ка.
Ильясның хәрби бурычын үтәп, исән-сау әйләнеп кайтуын теләп калабыз.
Фото: © Илназ Минвәлиев архивыннан