Илназ Минвәлиевның яңа гына армиядән кайткан төпчек улына олы улы Салават машина алып биргән. Җырчы әлеге сөенече белән социаль челтәрләрдә дә уртаклашты. Аның уллары белән горурлануы әллә каян сизелеп тора.
«Дуслар, ГАИда йөрибез әле. Ильяс улыма машина алып бирде Салават абыйсы. Абыйлы-энеле машинаны учетка куялар.
Шыкылдап торган машина эләкте улыма, номерлары да бик шәп. Салават абыйсына да рәхмәт. «Армиягә барып кайтсаң, машина алып бирәм», – дигән иде, сүзендә торды. Абыйлар менә шулай энекәшләрне карап, барлап торырга тиешләр. Әти урынына каласы кешеләр алар. Исән-сау йөрергә язсын, улым. Безгә мондый машиналар эләкмәде инде. Черек «Пятерка»дан башлаган идек. Салават үзе дә черек машина алып, шуннан яңа машина ясап бетереп, сатты. Хәзер яңаны алды», – дип сөйләгән ул сторисларында.
